Главная - Новости - Ispaniyada ko‘chada sayr qilish va sport bilan shug‘ullanishga ruxsat berildi

Ispaniyada ko‘chada sayr qilish va sport bilan shug‘ullanishga ruxsat berildi

Ispaniya 2-maydan boshlab koronavirusga qarshi karantin choralarini yengillashtirdi, aholiga sayr qilish va toza havoda sport bilan shug‘ullanish ruxsat berildi. “RBK”ning xabar berishicha, bu haqda mamlakat hukumati saytida e’lon qilindi.
Mamlakat Sog‘liqni saqlash vazirligi 2-maydan boshlab sayr qilish va ochiq havoda sport bilan shug‘ullanish uchun turli yoshdagi guruhlarga muayyan vaqtlarni belgiladi:

14 yoshdan 70 yoshgacha bo‘lgan fuqarolar soat 06:00 dan 10:00 gacha va 20:00 dan 23:00 gacha;
70 dan oshgan shaxslar va alohida yordamga muhtoj fuqarolar 10:00 dan 12:00 gacha va 19:00 dan 20:00 gacha;
voyaga yetmaganlar esa soat 12:00 dan 19:00 gacha
ko‘chaga chiqishi mumkin.

Yoshi kattaroq odamlar yoshlar bilan to‘qnash kelmasligi uchun vaqt shunday alohida ajratib chiqilgan. Ispanlar faqat istisno holatlarda, agar bunga tibbiy sabablar bo‘lsa, belgilangan vaqtga amal qilmasligi mumkin.

Shuningdek, vazirlik bunday vaqt cheklovlari faqat aholisi 5 ming kishidan ko‘p bo‘lgan munitsipalitetlarga mo‘ljallangani, qolgan hududlar aholisiga sayr qilish va ko‘chada sport bilan shug‘ullanish soat 06:00 dan 11:00 gacha ruxsat berilgani ta’kidlangan.

Karantin choralarining yumshatilishi koronavirusga chalingan va kasallangan yoki kasallanganlikda gumon qilinganlar bilan muloqotda bo‘lgani uchun izolyatsiyada bo‘lgan fuqarolarga tatbiq etilmaydi.
Комментарии (0)
Комментировать
Информация
Посетители, находящиеся в группе Гости, не могут оставлять комментарии к данной публикации.